Nei, ég sagði bara svona....
davíð örn ólafsson.
   
2.2.06

Fluttur

.:Davíð:. kl. 14:41




25.1.06

Orðinn leiður á að sjá alltaf smettið á mér og þetta blessaða nef í hvert skipti sem ég kíki á heimasíðuna mína þannig að ég ákvað að skrifa nokkrar línur svo þetta færist nú neðar og jafnvel hverfi af skjánum.
Maður er búinn í prófum og er búinn að vera í afslöppun síðan. Búið að bjóða manni vinnu í fríinu en ég neitaði. Maður á nú alveg skilið smá pásu.
EM byrjar svo á morgun og á maður eflaust eftir að horfa á nokkra leiki þar. Danir eru ágætlega duglegir við að sýna leiki og svo er hægt að horfa á rúv.is til að sjá íslensku leikina.
Raunhæf úrslit á mótinu? ...held að ég verði að vera sammála Geira Sveins og segi 7-8 sæti.

Hér er búin að vera snjór í mánuð og er það saga til næsta bæjar. Stefnir ekkert í að hann sé að fara á næstu dögum en aftur á móti þá eru ekki nema 2 mánuðir í að maður getur verið á bolnum úti yfir daginn, miðað við myndir frá í fyrra ;)
Þann 18. feb sækjum við Ísland heim og verðum þar í viku. Verður eflaust fínt að kíkja aðeins á klakann. Næstum eitt og hálft ár síðan ég fór þangað síðast.
Handboltinn hér........ekkert að gerast í honum, þe er voðalega lítið að æfa en er alltaf boðaður í leiki með liði 2.
Næsta mál hjá mér er að fjárfesta í lyftingarbekk og lóðum því það kostar bara svipað og 2 mánuðir í líkamsrækt. Hef svo sem góða aðstöðu fyrir það á baðherberginu á efri hæðinni, þeir sem þekkja til vita hvað ég meina. Hef aldrei séð eins illa nýtt baðherbergi, eitt stærsta herbergið í húsinu og hefur bara vask, klósett og sturtu......mjög eðlilegt. Fínt að geta smellt sér á klósettið ef maður ofreynir sig eitthvað ;)

Lifið heil
Deivid.

.:Davíð:. kl. 22:12




20.1.06


Svona var maður fyrir ári síðan. Bara smá upprifjun.
Ákvað að setja þetta inn til að sýna Bjarney smá stuðning ;)
Líka ágætt að taka það fram að ég nefbrotnaði í handbolta.....bara til að taka allan vafa um hvernig persóna ég er.Posted by Picasa

.:Davíð:. kl. 00:22






Svona var maður eftir aðgerðina, breytir öllu að vera með gifs. Posted by Picasa

.:Davíð:. kl. 00:12




6.1.06

Próflestur í fullum gangi þessa daganna. Ekki alveg skemmtilegasti tíminn en þetta tekur brátt enda. Svo þegar næsta önn er búin þá er stefnan að flytja til kóngsins köben og vera þar í einhvern tíma. Kem til með að skrifa lokaritgerðina þar og ef maður þarf að bregða sér í skólann að þá er það bara lestin. Lestarferðir eru fínn ferðamáti og tekur það um 2 tíma að ferðast á milli og er þá tilvalið að nota tímann til að lesa....ik? Konan ætlar að fara í skóla í köben næsta haust og þar sem hennar nám finnst bara í köben að þá er þetta besti kosturinn. Í köben kemur maður til með að hitta marga fræga menn úr boltanum og má þar hæst nefna Agga og Kára Marís. Ekki leiðinlegt að geta rifið upp gítarinn og tekið nokkur lög með honum Kára, langt síðan síðast. Við höfum meira að segja orðið það frægir að vera fengnir til að skemmta á árshátíð hjá ...einhverju fyrirtæki, þar sem góð lög voru sungin og brandararnir fengu að fljúga. Þetta var örugglega í fyrsta og eina skiptið sem ég á eftir að gera svona lagað. :)

Deivid

.:Davíð:. kl. 11:05




31.12.05

Er að spá í að hafa þetta svona "gleðilega ...eitthvað blogg", skrifa bara á það á þeim dögum sem það á við. Þannig að næsta blogg verður um páskana....eða eitthvað;)
Hér í Odense er búið að snjóa út í eitt og mikið gleðiefni fyrir børn og voksne.
Dagurinn í dag á eftir að vera mjög fínn. Ætlum að borða með annari fjölskyldu hér í götunni og verður það án efa gott og gaman.
Hef ekki tíma í að skrifa meira þar sem ég á eftir að versla bjórinn fyrir kvöldið.....þarf að eyða heilum 500 ískr í einn kassa.....úffff buddan á eftir að verða tóm eftir þau kaup.
Annars segi ég bara gleðilegt nýtt ár og takk fyrir það gamla.
Farið varlega inn í nýja árið.
Deivid

.:Davíð:. kl. 11:59




24.12.05

Gleðileg jól öll sömul.

.:Davíð:. kl. 12:43




14.12.05

Jæja góðan daginn gott fólk.
Kominn tími á smá skrif.
Pestinn lagði mig síðasta sunnudag og lá ég gersamlega óvígur þann dag og ældi úr mér allt vit.....djöfulsins óþverri. Það eru allir meðlimir fjölskyldunnar búnir að fá þessa skæðu pest.
Gat því ekki verið með í leiknum á sunnudaginn. Hvað handboltann varðar að þá hefur þetta lið sem ég spila með, DHG, ákveðið að vera með í að byggja upp alvöru handboltalið hér í Odense, eins og ég hef sagt skrifað um áður. Þetta þýðir það að það skiptir ekki máli í hvaða sæti við lendum því við getum ekki fallið né farið upp. Út af þessu vildu þjálfararnir nota mig með liði 2 en ef það á að fá að starfa áfram þurfa þeir að halda sér upp í sinni deild, sem er svokölluð Fynsserien, þe Fjónska deildin (spila bara við lið á Fjóni). En eins og fyrr segir að þá lá ég óvígur þann leik.
Nú fer verkefnatörninni að ljúka og við tekur próflestur, það vill svo skemmtilega til að fyrsta prófið er 2 janúar......hvað í andskotanum á það að þýða????
Eina sem maður getur sagt við því er "..djöfullinn danskur" og verið svo rólegur á áramótunum ;)

Lifið heil.
Deivid

.:Davíð:. kl. 12:19




30.11.05

Var að koma af jólaföndri hjá bekknum hans Dassa Mass. Danir eru alevg ótrúlegir hvað allt svona varðar. Fólk mætti með heitan mat og kökur og svo fengu allir sér að borða af hlaðborðinu. Svo var að sjálfsögðu seldur bjór og gos. Svo komu smá söngatriði fyrir fullorðna og að því loknu var farið að föndra.
Þá að skólanum.
Verkefnavinnutörn 1 lokið, törn 2 byrjar á morgun.
Rétt náði að henda frá mér 2 stk verkefnum í gær, hversu góð þau voru er erfitt að svara. Ótrúlegt hvað tíminn getur stundum verið vondur við mann og leyft sér að fljúga eins og ekkert sé. Á morgun fáum við svo afhent verkefni sem við höfum 2 vikur til að skila af okkur, stefnan er að klára það á viku.
Yfir í annað.
Töpuðum síðasta leik á móti toppliðinu með 3 mörkum. Má segja að leikurinn hafi tapast í fyrri hálfleik þar sem við lentum 7 mörkum undir en vorum 5 undir í hálfleik. Í seinni hálfleik snérist svo blaðið við. Við náðum að vinna upp þetta forskot og komast einu yfir en þá tók þjálfi þá skynsamlegu ákvörðun að fara að skipta mönnum inná og við það komust hinir 2 mörkum yfir á stuttum tíma og náðum við ekki að vinna það upp. Spilaði fínt og setti 5 stk ásamt nokkrum fiskuðum boltum og vítum.
Það var eitt atvik í leiknum þar sem ég fann til með einum mótherjanum, en ein skyttan okkar tók eitt svaðalegt skot (hrikalega skotfastur andskoti) nema hvað höndinn fylgdi á eftir í andlitið á einum varnarmanninum og nefið klesstist út á kinn. Þetta er ástæðan fyrir því að ég neita að spila vörn annarsstaðar en í horninu ;)

Over and out.
Deivid.

.:Davíð:. kl. 21:03




18.11.05

Verkefnavinna og aftur verkefnavinna, er með 2 verkefni í gangi núna. Maður lærir víst best á þessu. Fór að lyfta í gær, tók lappirnar og er óhætt að segja að maður finnur aðeins fyrir því núna...sem er bara gott mál. Steig á vigtina og viti menn 84,5 = 2kg farin síðan á laugardaginn síðasta. Stefnan er að missa ekki mikið meira heldur að fara að þyngja sig af öðru en fitu.
Fór á handboltaæfingu í gær eða frekar skemmtikvöld þar sem kvenna- og karlaliðinu var hópað saman. Skipt var í 6 lið og svo var keppt í blaki, hokkí og blindbolta (allir með bundið fyrir augun og svo reynt að skora með bolta sem hefur "hringlu" inní sér). Ágætis skemmtun þar á ferð.
Helgin framundan, reikna með að það fari dágóður tími í verkefnavinnu en það kemur í ljós.
Það er orðið ansi kalt hérna núna, maður þarf að skafa bílinn á morgnana en sólin er samt ekki langt undan þegar líða tekur á daginn. Spurning hvort við fáum hvít jól.
Nóg í bili
Deiv.

.:Davíð:. kl. 09:47




16.11.05

Tøpudum leiknum i gær med einu, klikkudum á vítakasti tegar leiktíminn var búinn. Vid áttum í raun ekki stigid skilid, ef vid hefdum skorad. Slagelse var bara betri adilinn i tessum leik. Tad er ýmislegt sem tjálfarinn mætti gera betur og leggja áherslur á adra hluti en hann gerir.
Hann talar oft um ad vid séum ad spila fínan varnarleik en tad er mjøg rangt hjá honum. Vørnin er frekar gøtótt og mikid af mistøkum tar sem tad eru engar skýrar línur sem farid er eftir.
Vid erum ad spila 6-0 vørn og tad á ekki ad vera erfitt ad læra tessi fáu grunprincip sem fara tarf eftir til ad vørnin nái saman.
Nóg um handbolta.
Sídasta føstudag ákvad ég ad taka adeins til í matarædinu hjá mér og viti menn.....1-1,5 kg farin á 4 døgum. Tad tarf ekki mikid til, madur tarf bara ad neita sér um hluti sem mann langar í og borda tad sem mann langar ekki í ;) Ég finn líka strax mun á mér, lídur betur líkamlega og andlega.....jújú tetta fylgist allt ad. Fyrir mig ad missa 1 kg er erfidara tar sem ég get nú seint verid talinn feitur en tad tókst. Nú er bara spurning um ad halda tessu áfram og þyngja sig svo med massa. Tetta er bara spurning um sjálfsaga og honum stjórnar enginn nema madur sjálfur. Ekki bída med ad ákveda ad gera breytingar hjá sér heldur byrja strax í gær......madur sér aldrei eftir tví.

Nú er ég búinn ad vera ad fylgjast med øllu í kringum Jónsbók, Baugsmálid og allt tad og ef ég á ad segja eins er ad tá er stjórnmálaskodun mín ad breytast. Hef verid Sjálfstædismadur alla mína tíd en ég held ad sá tími sé ad enda. Ef satt reynist tad sem fram hefur komid í øllu tessu ad tá segi ég bara"Hreint land, fagur land...sendum Davíd og co. í sturtu"
Ef tad eru einhverjir sem hafa gert Ísland ad tví sem tad er í dag eru tad Jón Ásgeir og Jón Ólafsson.....og svo Björgólfsfeðgar að sjálfsögðu.

Í nótt urdu lokanidurstødur í borgarstjórnarkostningum hér í Odense. Í stuttu máli sagt tapadi núverandi borgarstjóri og óhætt ad segja ad tad sé Tinu Turner ad kenna. Hvernig?
Sídasta sumar var afmælisár H.C. Andersen og í tilefni tess voru mikil hátídarhøld og vantadi einhverja til ad vera adal. Á lokastundu ákvad Anker (fv. borgarstjóri) ad panta Tinu Turner, hún var alveg til í ad koma og syngja 3-4 løg en tad kostadi 1 mio. dollara sem og Anker gerdi......edlilegt. Búist var vid hagnadi af tessum hátídarhøldum og átti sá hagnadur ad fara í einhver gódgerdarmál en neeeeei, tad var stórtap á tessu øllu tøkk sé Tinu og Anker.

Læt tetta næja í bili.
Deivid

.:Davíð:. kl. 15:09




13.11.05

Go dag.
Hér er svo sem ekki mikið að frétta.
Það var fundur síðasta fimmtudag hjá handboltanum og nú á að rífa upp handboltann hér í Odense. Það á sem sagt að búa til lið sem á að vera það gott að það geti verið í "Liga". Hvernig það verður gert er ekki enn komið á hreint en eins og staðan er í dag að þá er DHG (liðið mitt) besta liðið í Odense og hvort það verða fengnir góðir leikmenn úr hinum liðunum í Odense eða búið til nýtt lið er óráðið en kemur í ljós í byrjun næsta mánaðar.
Ef svo yrði þá efast ég um að ég myndi taka þátt í því nema að fá greitt fyrir það, er sem sagt ekki til í að vera æfa alla daga vikunnar án þess að fá neitt fyrir það. En ég veit að það á að setja nokkrar millur DK í þetta. Kæmi ekki á óvart ef þeir myndu vilja fá mig í þetta þar sem kallinn er að brillera á æfingum ;)
Er búinn að rífa fram lyftingakortið hjá SATS og ætla ég að taka vel á því næstu mánuði. Stefnan er að þyngja sig um 3-4 kg í massa.

.:Davíð:. kl. 10:53




8.11.05

Leikurinn á sunnudaginn tapaðist með einu marki. Held að það sé óhætt að segja að dómararnir hafi átt sinn þátt í því. Þeir virðast hafa gert eitthvað í hálfleik sem gerði það að verkum að þeir fóru að hafa ótrúlega gaman af því að reka okkur útaf í seinni hálfleik. 7 brottvísanir og eitt rautt spjald á okkur í seinni hálfleik.....hvað er það?? Þetta minnir mann óneitanlega á ákveðnar freðýsur á íslandi. Svo fannst mér þjálfarinn ekki halda rétt á spilunum í leiknum.....maður lætur ekki einn og sama leikmanninn skora 16 mörk í einum leik en svona er þetta, maður græðir ekkert á því að vera vitur eftir á.

Held að ég þurfi að fara að ath bílasölur núna....nenni ekki að standa í að þurfa að vera að gera við drusluna einu sinni í mánuði. Fór áðan og keypti mér vatnslás, á ekki að vera neitt mál að skipta um hann og er það í raun ekki, en þegar ég byrjaði að skrúa fyrstu skrúfuna til að losa hann þá skrúfaðist hún í sundur, nenni ekki að standa í svona veseni. Þetta á að taka svona 10 mín að gera þetta en neeee ekki minn bíll, þetta er ekki í fyrsta skipti sem hann er að hrekkja mig með svona löguðu. Kannski er þetta áminning um að ég eigi að hjóla meira....gæti verið....veit ekki. En eitt er víst að bíllinn lagast ekki ef ég geri meira af því.
Svo er að koma annar hundur á heimilið þannig að maður þarf að fara að stækka við sig. Einn 7 manna myndi duga en því miður að þá eru bílar hér í DK bara svo hrikalega dýrir.
Svona er lífið
Davíð

.:Davíð:. kl. 10:59




4.11.05

Lífið í DK gengur fínt. Hér er bara góður hiti ennþá og ekki mikil breyting á því næstu daga. Las um daginn að það var slegið nýtt met því sólartímarnir í okt voru 10 tímum fleiri en í okt 1922, sem var gamla metið.
Boltinn er enn að rúlla hjá mér og er skyttuhlutverkið að gera góða hluti, báðar hægrihandarskytturnar eru meiddar og því neyðist maður til að taka þetta hlutverk að sér;)
Við erum í öðru sæti og satt best að segja að þá eigum við mjög góða möguleika á að komast upp um deild. Næsti leikur er á sunnudaginn og er hann í köben, þriðji leikurinn sem við leikum í köben á einum og hálfum mánuði held ég. Sleppti því að melda mig á Sálartónleikana sem eru á laugardaginn þar sem handboltinn er mikilvægari ;) Það væri samt ekkert leiðinlegt að skreppa á þá. Gísli og Auður eru víst með partý fyrir tónleika og Hannes Jón með eftirpartý þar sem sálarmeðlimir munu víst láta sjá sig. Maður hefði eflaust farið ef maður væri búsettur í köben en ég nenni ekki að standa í að vakna þunnur í öðru húsi en heima hjá mér.
Núna framundan er svo verkefnavinna út í eitt, eitt verkefni í hverju fagi.....skemmtilegt það.

Við fengum LOST þættina lánaða um daginn, var ekki búinn að sjá þá, og er óhætt að segja að maður sé búinn að sökkva sér oní þá, vá hvað þetta eru góðir þættir. Miklu skemmtilegara að horfa á þættina með stuttu millibili, ekki að þurfa að bíða í viku eftir næsta.

Í dag er svo J-dagurinn hér í DK, þe jólabjórinn frá Tuborg kemur á ölstofurnar, tímasetningin skiptir miklu máli í þessu því hann verður fáanlegur kl 20.59. Þessi bjór er hrikalega góður og má búast við að það renni nokkrir lítrar af þeim niður næstu daga. SKÁL!!


Kallinn er bara á forsíðunni á heimasíðu liðsins ;)

Lifið heil
Dabbinn

.:Davíð:. kl. 09:39




27.10.05

Sommervejr på vej
Frem med shorts, t-shirt og solbriller. Det forrygende sommervejr rammer igen Danmark og topper søndag.
Þetta stendur á síðum blaðanna í dag.
Ef þið skiljið þetta ekki hringið þá í 558-85522 og þeir redda þýðingu á þessu fyrir ykkur.
Djöfulsins skanall......;)

Unnum síðasta leik, átti fínan dag með 4 slummur. Erum í 3 sæti og eigum leik á sunnudaginn. Náum jafnvel 2 sætinu eftir hann.
Nenni ekki að skrifa meira.
hilsen
david

.:Davíð:. kl. 22:37




24.10.05

Unnum leikinn í gær 28-23. Setti 5 slummur og gekk bara vel . Maður tók ágætlega á í leiknum og er líkaminn í aumu ástandi í dag. Aumur hér og þar.....aðallega þar.
Held að næsti leikur sé á morgun (allt mjög öruggt hjá manni;)
Nú er vetrarfríið búið en því miður var frí í þessum eina fagi sem ég átti að fara í dag þannig að maður neyðist til að vera heima og slappa af.....kannski maður kíki smá í bækurnar.
Það var frost hér í nótt og er það í fyrsta skiptið núna í vetur en sem betur fer á að fara að hlýna aftur....sagt að hitinn eigi að fara yfir 20 gráður, maður er nú ekkert ósáttur við það.
hilsen
Davíð

.:Davíð:. kl. 09:17




22.10.05

Gestagangur og ferðalag
Fór ásamt annarri fjölskyldu til Þýskalands að versla og svo í sumarbústað á Rømø sem er suðvestur af Jótlandi. Þessi eyja er hrikalega flott og með risastóra strönd sem ég held að telji 2-3 km frá landi til sjó þar sem hún er hvað lengst. Þessi ferð heppnaðist alveg hrikalega vel og er nokkuð öruggt að maður á eftir fara aftur á þessa eyju. Fórum svo heim á þriðjudeginum og fengum heimsókn þann dag frá tengda-mömmu, ömmu, afa og mömmusystir. Þau fóru svo heim í dag með aðeins fleiri töskur en þau komu með vegna gífurlegrar verslunar. Þannig að núna er komin regla á þetta allt aftur og skólinn að byrja að nýju á mánudaginn, en það var efterårsferie í öllum skólum.
Er að fara að spila leik á morgun og er sá leikur í Köben, again, en ég held að það verði ekki næturstopp hjá mér í þetta skiptið. Það má alveg búast við því að kallinn komi til með að spila skyttuna eitthvað en maður er búinn að vera kenna þeim hitt og þetta á síðustu æfingum ;)

Mæli með að þið skoðið síðuna hans Loga Geirs reglulega.
Drengur sem er með markmið og má segja að maður fyllist smá innblæstri á að lesa hvernig hann fylgir þeim og hversu mikinn sjálfsaga hann hefur. Hann á skilið að vera þar sem hann er í dag. Hann lumar líka á ýmsum fróðleik sem gaman er að lesa.

Líf og fjör í Danmörku

p.s.
Íbúðarverð að lækka á klakanum!!!!.....gooooott mál.

.:Davíð:. kl. 09:39




12.10.05

Hrikalega fyndid video, (takid eftir loftpudanum i bilnum ;)

.:Davíð:. kl. 09:46




11.10.05

Kominn til baka frá Köben...
...kom reyndar í gær en nennti ekki að blogga.
Töpuðum leiknum með 4 mörkum. Það sem klikkaði var að skytturnar voru ekki að skila sínu og vörnin ekki að gera góða hluti. Minn þáttur í leiknum var OK en ekki mikið meira en það, var bara á sömu línu og hinir í liðinu.

Eftir leikinn ákvað ég að kíkja á Agga, Kára og félaga í Guðrúnu spila leik.
Ég byraði að á fara á næstu lestarstöð og ætlaði að taka lestina í þetta hverfi sem þeir voru að spila í. Ég keypti miða og beið eftir lestinni, svo kom hún og.....brúúúúmmmmm.....framhjá lestarstöðinni á fullri ferð...stoppaði ekki, ég stóð eins og illa gerður hlutur þarna og vissi ekki upp né niður. Fór og tékkaði betur á þessu og þá kom í ljós að hún átti ekkert að stoppa þarna heldur á næstu stöð sem var í 2 km fjarlægð. Ég labbaði þangað og beið því eftir næstu lest í ca 20 min og loks kom hún. Sú ferð gekk fínt og ég fór út á réttum stað nema hvað ég byrjaði á að labba í öfuga átt. Fann kort af svæðinu og sá eitthvað íþróttasvæði þarna og ákvað að það væri staðurinn (tók sem sagt þrjóska Íslendinginn á þetta). Ég labbaði og labbaði og eftir dáldið góðan göngutúr þá var ég staddur hjá Parken. Hugsaði með mér að þetta hlyti nú að vera í einhverjum "skúr" þarna. Labbaði um allt svæðið og sá ekkert. Hringdi svo í Agga en hann svaraði ekki þar sem leikurinn var ekki búinn hjá þeim þannig að labbaði bara áfram, hafði reyndar haft vit á að koma við í búð og kaupa mér tvo kalda til að eiga í neyð sem komu sér svo vel ;)
Loksins svaraði Aggi og þá kom það í ljós að hefði ég beygt í hina áttina þegar kom úr lestinni að þá hefði verið svona 10 min ganga að húsinu sem þeir voru að spila í .....alveg týpískt. Haraldur Daði og Aggi komu svo að sækja mig á Parken og fórum við Aggi á "þvottahúsið" þar sem við fengum okkur algjöran snilldar mat, man ekki hvað hann heitir en hann smakkaðist mjög vel. Sátum þar í góða stund og spjölluðum um allt og ekkert. Röltum síðan heim til hans með viðkomu í einni perkasjoppu til að kaupa öl, og tjáði Aggi mér að gaurinn sem átti hana væri alltaf skakkur, sæti í sófa bakvið og reykti út í eitt....mjög eðlilegt. Síðan fórum við heim til Agga og sátum þar og spjölluðum og drukkum nokkra kalda. Hulda Sif kom svo heim eftir vinnu rétt um miðnætti og tjattaði með okkur. Um kl. hálf tvö var komið smá hungur í okkur og röltum við því út á næsta perkaskyndibita og fengum okkur Shawarma og smakkaðist hann hrikalega vel. Mjög eðlilegt að það voru bara perkarleigubílstjórar þarna inni og arabísk sjónvarpsstöð í sjónvarpinu.
Gisti síðan hjá þeim og fór heim um hádegið daginn eftir.
Thanx MAM og HSIF

Leiter
Davíð

.:Davíð:. kl. 15:42




7.10.05

Veðurblíða dag eftir dag....
Það liggur við að það sé að koma sumar aftur hér í DK. Sól og blíða og um 20 stiga hiti. Maður biður ekki um meira.
Var kominn með smá lubba í fyrradag og tók mig þá til og klippti mig sjálfur, snoðaði ekki heldur rakaði hárið hér og þar......en ekki allsstaðar. Útkoman var bara fín, allavega er ég enn með þessa klippingu í dag (djöf....gyðingur huxa sumir núna....nefni engin nöfn;). Hef ekki farið í klippingu hér í DK síðan ég flutti út, bara snoðað mig sjálfur.
Næsta sunnudag er leikur hjá okkur við Ydun, sem er í Köben. Er búinn að mæla mér mót við Agga eftir leikinn, en Íþrfél.Guðrún er að fara að keppa seinna um daginn og er stefnan að horfa á þá Kára, Agga og Harald Daða kasta boltum. Síðan ætlum við að kíkja á Frikka Whatshappening og borða í þvottahúsinu hans. Seinna um kvöldið tekur maður lestina heim þegar það hentar.
Smá tilbreyting var á æfingu hjá okkur í gær því karla og kvennaliðinu var smalað saman og síðan var okkur kenndur samkvæmisdans. Var á tímabili að spá í að hætta í boltanum og snúa mér að tsja tsja tsja, vals og samba. Þetta heppnaðis mjög vel og var hrikalega fyndið að fylgjast með sumum sem hafa þetta ekki í sér.

Bið að heilsa öllum heima...osfrv.
Kv
Davíð

.:Davíð:. kl. 12:27